വത്സലേച്ചി വിരമിച്ചു.

ചെറുവത്തൂർ ഗ്രാമ പഞ്ചായത്തിലെ ഫുൾടൈം സ്വീപ്പർ വത്സല.പി സർവീസിൽനിന്നു വിരമിച്ചു.കരിവെള്ളൂർ-പെരളം ഗ്രാമ പഞ്ചായത്തിലെ തെക്കേമണക്കാട്ടാണ് സ്വദേശം.അച്ഛൻ മാധവൻ നമ്പൂതിരി അമ്മ ദേവകി അന്തർജ്ജനം.2001 ൽ നീലേശ്വരം ഗ്രാമ പഞ്ചായത്തിന് കീഴിലുള്ള ബാലവാടിയിൽ പാർട്ട് ടൈം സ്വീപ്പർ ആയാണ് സേവനത്തിൽ പ്രവേശിച്ചത്.അന്ന് കാസർകോട് ജില്ലയിലെ ഏക സർക്കാർ അംഗീകൃത പാർട്ട് ടൈം തസ്തികയായിരുന്നു നീലേശ്വരത്തെ ബാലവാടിയിലേത്.2008 ആഗസ്ത് 8 ന് (08-08-2008) ആണ് ചെറുവത്തൂർ ഗ്രാമ പഞ്ചായത്തിൽ എഫ്.ടി.എസ് ആയി പ്രൊമോഷനായി ജോലിയിൽ പ്രവേശിക്കുന്നത്.

19 വർഷ സേവനത്തിനു ശേഷം വിരമിക്കുന്ന ശ്രീമതി.വത്സല.പി ക്ക് ചെറുവത്തൂർ ഗ്രാമ പഞ്ചായത്ത് ഭരണ സമിതി, ജീവനക്കാർ എന്നിവർ കോവിഡ് പ്രോട്ടോകോൾ പാലിച്ച് ഊഷ്മളമായ യാത്രയയപ്പ് നൽകി.പ്രസിഡണ്ട് ശ്രീ.മാധവൻ മണിയറ ഉപഹാരം സമർപ്പിച്ചു. സെക്രട്ടറി കെ.പ്രഭാകരൻ,വൈസ് പ്രസിഡണ്ട് സി.വി.പ്രമീള തുടങ്ങിയവർ ആശംസകൾ അർപ്പിച്ചു.